جنوبی ایشیائی علاقائی تعاون کی تنظیم

جنوب ایشیائی علاقائی تعاون کی تنظیم یا سارک جنوبی ایشیا کے 8 ممالک کی ایک اقتصادی اور سیاسی تنظیم ہے۔ یہ آبادی کے لحاظ سے دنیا کی سب سے بڑی علاقائی تنظیم ہے جو تقریباً 1 اعشاریہ 47 ارب لوگوں کی نمائندگی کرتی ہے۔ یہ تنظیم 8 دسمبر 1985ء کو بھارت، پاکستان، بنگلہ دیش، سری لنکا، نیپال، مالدیپ اور بھوٹان نے قائم کی تھی۔ 3 اپریل 2007ء کو نئی دہلی میں ہونے والے تنظیم کے 14 ویں اجلاس میں افغانستان کو آٹھویں رکن کی حیثیت سے تنظیم میں شامل کیا گیا۔

جنوب ایشیائی علاقائی تعاون کی تنظیم (سارک) South Asia Association for Regional Cooperation (SAARC) दक्षिण एशियाली क्षेत्रीय सहयोग सङ्गठन (सार्क)  (نیپالی) दक्षिण एशियाई क्षेत्रीय सहयोग संगठन (दक्षेस)  (ہندی) দক্ষিণ এশীয় আঞ্চলিক সহযোগিতা সংস্থা (সার্ক)  (بنگالی) ༄ ལྷོ ཨེསིཨ་ རེ་གིཨོནལ་ ཅོཨོཔེརཏིཨོན་ ཀོ་མི་ཏི། (زونگکھا) දකුණු ආසියාතික කලාපීය සහයෝගිතා සංවිධානය (سنہالی) தெற்காசிய நாடுகளின் பிராந்தியக் கூட்டமைப்பு (சார்க்)  (تمل) ދެކުނު އޭޝިޔާގެ ސަރަޙައްދީ އެއްބާރުލުމުގެ ޖަމިއްޔާ (دیویہی) اتحادیه همکاری‌های منطقه‌ای جنوب آسی (دری) د سویلي اسیا لپاره د سیمه ایزی همکارۍ ټولنه (پشتو) جنوبی ایشیائی علاقائی تعاون کی تنظیم  (اردو)
رکن ریاستیں   مبصر ریاستیں
صدر دفتر	کھٹمنڈو، نیپال
انگریزی
8 رکن ممالک افغانستان بنگلادیش بھوٹان بھارت مالدیپ  نیپال پاکستان سری لنکا 9 مبصر ممالک آسٹریلیا چین یورپی اتحاد ایران جاپان موریشس برما (میانمار) جنوبی کوریا ریاستہائے متحدہ
Leaders
• سیکٹری جنرل	امجد حسین بی سیال
قیام	8 دسمبر 1985ء
جی ڈی پی (پی پی پی)	2014 تخمینہ
• کل	امریکی$ 9.05 ٹریلین [1]
جی ڈی پی (برائے نام)	2014 تخمینہ
• کل	امریکی$ 2.599 ٹریلین [2]
ویب سائٹ www.saarc-sec.org
موجودہ سارک اجلاس میزبان

تاریخ

سارک رکن ممالک (گہرا نیلا) اور مبصرین (ہلکا نیلا) کا نقشہ

1970ء کی دہائی کے اواخر میں بنگلہ دیش کے صدر ضیاء الرحمٰن نے جنوب ایشیائی ممالک پر مشتمل ایک تجارتی بلاک کا خیال پیش کیا۔ 1981ء میں کولمبو میں ہونے والے ایک اجلاس میں بھارت، پاکستان اور سری لنکا نے بنگلہ دیشی تجویز کو تسلیم کیا۔ اگست 1983ء میں ان رہنماؤں نے نئی دہلی میں منعقدہ ایک اجلاس میں جنوب ایشیائی علاقائی تعاون کے معاہدے کا اعلان کیا۔ 7 ایشیائی ممالک جن میں نیپال، مالدیپ اور بھوٹان بھی شامل ہیں، نے مندرجہ ذیل شعبہ جات میں تعاون کا اظہار کیا:

• زراعت و دیہی ترقی
• مواصلات، سائنس، ٹیکنالوجی اور موسمیات
• صحت و بہبود آبادی
• ذرائع نقل و حمل
• انسانی ذرائع کی ترقی

افغانستان کو 13 نومبر 2005ء کی بھارت کی تجویز پر 3 اپریل 2007ء کو مکمل رکن کی حیثیت سے تنظیم میں شامل کیا گیا۔ افغانستان کی شمولیت سے تنظیم کے رکن ممالک کی تعداد بڑھ کر 8 ہو گئی ہے۔ اپریل 2006ء میں ریاستہائے متحدہ امریکا اور جنوبی کوریا نے مبصر کی حیثیت سے تنظیم میں شمولیت کی باقاعدہ درخواست دی۔ یورپی یونین نے بھی مبصر کی حیثیت سے شمولیت میں دلچسپی ظاہر کی ہے اور جولائی 2006ء میں سارک وزراء کونسل میں اس حیثیت کے لیے باقاعدہ درخواست دی۔ 2 اگست 2006ء کو سارک وزرائے خارجہ کے اجلاس میں امریکا، جنوبی کوریا اور یورپی یونین کو مبصر کی حیثیت دے دی گئی۔ 4 مارچ 2007ء کو ایران نے بھی مبصر کی حیثیت کے لیے درخواست دی۔

غیر موثریت

جنوبی ایشیا کی ترقی میں سارک کا کردار موثر نہ ہونے کی بڑی وجہ پاکستان اور بھارت کے درمیان جاری سیاسی اور عسکری کشیدگی کو سمجھا جاتا ہے۔ انہی اقتصادی، سیاسی اور علاقائی کشیدگیوں کے باعث جنوب ایشیائی ممالک مشترکہ معیشت کا فائدہ اٹھانے سے قاصر ہیں۔ اپنے قیام سے آج تک یہ تنظیم "نشستند، گفتند، برخاستند" کی مثال بنی ہوئی ہے۔

سیاسی معاملات

سارک کی توجہ پاک بھارت تنازعۂ کشمیر اور سری لنکا کی خانہ جنگی جیسے اہم معاملات کی بجائے مندرجہ بالا معاملات پر رہی ۔ تاہم سیاسی معاملات سارک کے مختلف اجلاسوں میں زیر بحث رہے لیکن اس کا کوئی خاطر خواہ نتیجہ نہیں نکل سکا۔ سارک اپنے رکن ممالک کے داخلی معاملات میں مداخلت سے بھی باز رہتا ہے۔ 12 اور 13 سارک اجلاس میں دہشت گردی کے خلاف عالمی جنگ میں سارک رکن ممالک کے درمیان تعاون بڑھانے پر زور دیا گیا تھا۔

آزاد تجارت کا معاہدہ

سارک رکن ممالک وقتاً فوقتاً آزاد تجارت کے معاہدے پر دستخط کے لیے اپنی عدم رضامندی کا اظہار کر چکے ہیں۔ حالانکہ بھارت، مالدیپ، نیپال، بھوٹان اور سری لنکا کے ساتھ متعدد تجارتی معاہدے کر چکا ہے لیکن پاکستان اور بنگلہ دیش کے اس نوعیت کے معاہدے فریقین کے خدشات کے باعث نہ ہو سکے۔ 1993ء میں ڈھاکہ میں سارک ممالک نے خطے میں بتدریج کم محصولات کے لیے ایک معاہدے پر دستخط کیے۔ 9 سال بعد اسلام آباد میں 12 ویں سارک اجلاس میں سارک ممالک نے ایک اعشاریہ 4 ارب افراد کے لیے آزاد تجارتی علاقے کا ڈھانچہ ترتیب دینے کے لیے جنوب ایشیائی آزاد تجارت کے معاہدے پر غور کیا۔ یہ معاہدہ یکم جولائی 2006ء سے نافذ العمل ہے۔ اس معاہدے کے تحت سارک رکن ممالک 2007ء سے اپنے محصولات میں 20 فیصد کمی کریں گے۔

ارکان

مندرجہ ذیل ممالک سارک کے موجودہ ارکان ہیں:

ملک	آبادی (ملین)	خام ملکی پیداوار	خام ملکی پیداوار (مساوی قوت خرید)	فی کس خام ملکی پیداوار (مساوی قوت خرید)	خام ملکی پیداوار شرح اضافی (2014)	برآمدات (2014)	براہ راست غیر ملکی سرمایہ کاری (2013)	بیرونی ذخائر زرمبادلہ (ملین)	دفاعی بجٹ(% خام ملکی پیداوار) (2014)	شرح خواندگی (مندرج عمر اور زیادہ	بدعنوانی درجہ 2014 (شفافیت بین الاقوامی)	متوقع زندگی	آبادی تحت خط غربت	پرائمری اسکول اندراج	ثانوی اسکول اندراج	آبادی بلحاظ ناقص غذائیت(%) (2015)
افغانستان	19394688632.007	$21.3 بلین	$63.5 بلین	$1,976	3.2%	$0.3 بلین	نامعلوم	$6,442	نامعلوم	28.1%(عمر 15)	172/175	60	15.8%	نامعلوم	54%	26.8%
بنگلادیش	143369806159.857	$205.3 بلین	$572.6 بلین	$3,581	6.2%	$31.2 بلین	$0.66 بلین	$24,072	$2.2 بلین(1.2%)	57.7%(عمر 15)	145/175	70	31.5%	92%	54%	16.4%
بھوٹان	12101934220.779	$2.2 بلین	$6.3 بلین	$8,158	6.4%	$0.7 بلین	$63 ملین	نامعلوم	نامعلوم	52.8%(عمر 15)	30/175	68	23.7%	91%	78%	نامعلوم
بھارت	13540400001,276.2	$2308.0 بلین	$7996.6 بلین	$6,266	7.3%	$464.0 بلین	$31.0 بلین	$351,557	$45 بلین(1.9%)	74.4%(عمر 7)	85/175	67	21.9%	94%	69%	15.2%
مالدیپ	517705600.38	$3.0 بلین	$5.2 بلین	$14,980	4.5%	$0.28 بلین	نامعلوم	$356	نامعلوم	99%(عمر 15)	نامعلوم	77	16%	نامعلوم	نامعلوم	5.2%
نیپال	5177056028.4	$21.6 بلین	$70.7 بلین	$2,488	5.5%	$1.0 بلین	$10 ملین	$5,439	نامعلوم	66%(عمر 15)	126/175	68	25.2%	98%	67%	7.8%
پاکستان	51770560190.4	$250 بلین	$928.0بلین	$4,886	4.2%	$25.1 بلین	$0.709 بلین(2014)	$16,305	$7.4 بلین(3.5%)	55%(عمر 15)	126/175	66	22.6%	72%	34%	22%
سری لنکا	5177056021.7	$80.4 بلین	$233.7 بلین	$11,068	7%	$11.8 بلین	$0.9 بلین	$8,314	$1.4 بلین(2.3%)	98.1%(عمر 15)	85/175	75	8.9%	94%	99%	22%

مبصرین

•  چین
• یورپی یونین
•  ایران
•  جاپان
•  جنوبی کوریا
•  امریکا

معتمدین عام

• ابو الحسن ( بنگلہ دیش): 16 جنوری 1987ء تا 15 اکتوبر 1989ء
• کانت کشور بھرگوا ( بھارت): 17 اکتوبر 1989ء تا 31 دسمبر 1991ء
• ابراہیم حسین زکی ( مالدیپ): یکم جنوری 1992ء تا 31 دسمبر 1993ء
• یادیو کانت سلوال ( نیپال): یکم جنوری 1994ء تا 31 دسمبر 1995ء
• نعیم الحسن (پاکستان): یکم جنوری 1996ء تا 31 دسمبر 1998ء
• نہال روڈریگو ( سری لنکا): یکم جنوری 1999ء تا 10 جنوری 2002ء
• کیو اے ایم اے رحیم ( بنگلہ دیش): 11 جنوری 2002ء تا 28 فروری 2005ء
• لیونپو چنکیاب ڈورجی ( بھوٹان): یکم مارچ 2005ء تا حال

سارک اجلاس

#	تاریخ	ملک	میزبان	میزبان رہنما
1	7–8 دسمبر 1985	بنگلادیش	ڈھاکہ	Ataur Rahman Khan
2	16–17 نومبر 1986	بھارت	بنگلور	Jayanth M Gowda
3	2–4 نومبر 1987	نیپال	کھٹمنڈو	Marich Man Singh Shrestha
4	29–31 دسمبر 1988	پاکستان	اسلام آباد	بینظیر بھٹو
5	21–23 نومبر 1990	مالدیپ	مالے	Maumoon Abdul Gayoom
6	21 دسمبر 1991	سری لنکا	کولمبو	Ranasinghe Premadasa
7	10–11 اپریل 1993	بنگلادیش	ڈھاکہ	خالدہ ضیا
8	2–4 مئی 1995	بھارت	نئی دہلی	P V ناراsimha Rao
9	12–14 مئی 1997	مالدیپ	مالے	Maumoon Abdul Gayoom
10	29–31 جولائی 1998	سری لنکا	کولمبو	Chandrika Kumaratunga
11	4–6 جنوری 2002	نیپال	کھٹمنڈو	Sher Bahadur Deuba
12	2–6 جنوری 2004	پاکستان	اسلام آباد	ظفر اللہ خان جمالی
13	12–13 نومبر 2005	بنگلادیش	ڈھاکہ	خالدہ ضیا
14	3–4 اپریل 2007	بھارت	نئی دہلی	منموہن سنگھ
15	1–3 اگست 2008	سری لنکا	کولمبو	Mahinda Rajapaksa
16	28–29 اپریل 2010	بھوٹان	تھمپو	Jigme Thinley
17th	10–11 نومبر 2011	مالدیپ	ادو	Mohammed Nasheed
18th	(26–27 نومبر 2014)	نیپال	کھٹمنڈو	Sushil Koirala

مستقبل کی رکنیت

• اسلامی جمہوریہ ایران جنوبی ایشیا کا واحد ملک ہے جو سارک کا رکن نہیں ہے۔ ایران بھارت اور پاکستان دونوں کے ساتھ مضبوط ثقافتی، اقتصادی اور سیاسی تعلقات میں بندھا ہوا ہے اور جنوب ایشیائی تنظیم کے رکن کی حیثیت سے اپنی شمولیت کی خواہش ظاہر کر چکا ہے۔ 22 فروری 2005ء کو ایران کے اُس وقت کے وزیر خارجہ کمال خرازی نے سارک میں شمولیت کی خواہش کا اظہار کیا تھا۔ 3 مارچ 2007ء کو ایران نے بطور مبصر سارک میں شمولیت کی باقاعدہ درخواست دی۔
• عوامی جمہوریہ چین سارک میں اپنی دلچسپی کا اظہار کر چکا ہے جس کے لیے اسے پاکستان اور بنگلہ دیش کی حمایت حاصل ہے لیکن بھارت اس سلسلے میں تحفظات رکھتا ہے جبکہ بھوٹان کے تو چین سے سفارتی تعلقات تک نہیں۔ تاہم 2005ء ڈھاکہ اجلاس میں بھارت نے جاپان کے ساتھ چین کو مبصر کی حیثیت دینے پر رضامندی ظاہر کی تھی۔ 14 ویں اجلاس میں نیپال نے چین کی بطور رکن شمولیت کی حمایت کی۔ اس طرح پاکستان، بنگلہ دیش اور نیپال کی حمایت کے باعث چین سارک میں رکن کی حیثیت سے شمولیت کا مضبوط امیدوار ہے۔
• روس بھی سارک میں بطور مبصر شمولیت چاہتا ہے اور اس کے لیے اسے بھارت کی مضبوط حمایت حاصل ہے۔
• میانمار (برما) بھی سارک میں شمولیت میں دلچسپی رکھتا ہے۔

متعلقہ مضامین

• ترقی پزیر 8
• نیٹو
• آسیان

بیرونی روابط

• سارک کی باضابطہ ویب گاہ
• سارک رکن ممالک کا نقشہآرکائیو شدہ بذریعہ mapsofworld.com