باب:رمضان

---

تعارف إِذَا دَخَلَ رَمَضَانُ فُتِّحَتْ أَبْوَابُ الْجَنَّةِ وَغُلِّقَتْ أَبْوَابُ جَهَنَّمَ، وَسُلْسِلَتِ الشَّيَاطِيْنُ. —  رَمَضان یا رَمَضان المُبارَک اسلامی تقویم کا نواں مہینہ ہے۔ رمضان کا لفظ مادہ "رـ م ـ ض" کا مصدر ہے جس کے معنی سخت گرمی اور تپش ہے۔ مسلمانوں کے لئے اس پورے مہینے ميں روزے رکھنے فرض ہيں۔شب قدر بھی اسی مہینے میں واقع ہے۔ قرآن کے مطابق جس رات کى عبادت ہزار مہینوں کى عبادت سے بہتر ہے۔ اس مہینے کی اہم ترین عبادت‌ میں روزہ رکھنا، قرآن مجید کی تلاوت، شب قدر کی راتوں میں شب بیداری کرنا، دعا و استغفار، مؤمنین کو افطاری دینا اور فقیروں اور حاجتمندں کی مدد کرنا شامل ہے۔بعض آیات کے مطابق قرآن کریم اسی مہینے میں نازل ہوا ہے۔

منتخب مقالہ رؤیت الہلال روزہ اسلام کے پانچ ارکان میں سے ایک ہے جسے عربی میں صوم کہتے ہیں۔ مسلمان اسلامی سال کے مقدس مہینے رمضان المبارک میں روزے رکھتے ہیں۔ روزے میں مسلمان صبح صادق سے غروب آفتاب تک کھانے اور پینے، جبکہ میاں بیوی آپس میں جنسی تعلق سے باز رہتے ہیں۔ روزہ رکھنے کے لئے صبح صادق سے قبل کھانا کھایا جاتا ہے جسے سحری کہتے ہیں جس کے بعد نماز فجر ادا کی جاتی ہے جبکہ غروب آفتاب کے وقت اذان مغرب کے ساتھ روزہ کھول لیا جاتا ہے جسے افطار کرنا کہتے ہیں۔رسول اکرم صلی اللہ علیہ وسلم نے نو رمضان المبارک کے روزے رکھے ، اس لئے کہ ہجرت کے دوسرے سال شعبان میں رمضان المبارک کے روزے فرض ہوئے تھے اور نبی صلی اللہ علیہ وسلم گیارہ ہجری ربیع الاول کے مہینے میں فوت ہوئے تھے۔ قرآن مجید میں فرمان الہی ہے: ” اے ایمان والو تم پر روزے رکھنے فرض کیے گئے ہیں جس طرح تم سے پہلے لوگوں پر روزے رکھنے فرض کیے گئے تھے تا کہ تم متقی و پرہیزگار بنو۔ “ مزید دیکھیے۔۔۔

حديث نبوی حضرت ابوہریرہ سے مروی ہے کہ محمد صلی اللہ علیہ و آلہ وسلم نے فرمایا : ’’جو شخص بحالتِ ایمان ثواب کی نیت سے رمضان کے روزے رکھتا ہے اس کے سابقہ گناہ بخش دیے جاتے ہیں۔‘‘ —  قیام رمضان سے متعلق حضرت ابوہریرہ سے مروی ہے کہ محمد صلی اللہ علیہ و آلہ وسلم نے فرمایا : ’’جس نے رمضان میں بحالتِ ایمان ثواب کی نیت سے قیام کیا تو اس کے سابقہ تمام گناہ معاف کر دیے گئے۔‘‘ —

فضیلت رمضان کی فضیلت کا اندازہ اس بات سے کیا جاسکتا ہے کہ حدیث میں ہے کہ اگر لوگوں کو یہ معلوم ہوجائے کہ رمضان کیا چیز ہے تو میری اُمت تمنا کرے کہ سارا سال رمضان ہوجائے۔ ابوہریرہ نے محمد صلی اللہ علیہ و آلہ وسلم سے نقل کیا ہے کہ میری اُمت کو رمضان شریف کے بارے میں پانچ چیزیں مخصوص طور پر دی گئی ہیں جو پہلی امتوں کو نہیں ملی ہیں۔ اسی ماہ مبارک میں شب قدر واقع ہوئی ، جس کی بابت اللہ تعالیٰ نے فرمایا: لَيْلَةُ الْقَدْرِ‌ خَيْرٌ‌ مِّنْ أَلْفِ شَهْرٍ‌ ’’شب قدر ہزار مہینوں سے بہتر ہے۔‘‘

شب قدر شب قدر یا لیلۃ القدر مسلمانوں کے نزدیک پورے سال کی سب سے زیادہ فضیلت رکھنے والی رات ہے. اللہ تعالیٰ نے قرآن کی دو سورتوں میں شب قدر کے بارے میں ذکر فر مایا ہے۔ مسلمانوں کے عقائد کے مطابق شب قدر پورے سال کی راتوں میں مخفی رکھی گئی ہے اور دقیق یہ نہیں بتایا گیا ہے کہ کون سی رات شب قدر ہے۔ شب قدر کی دو اہم علامتیں کتب احادیث میں مذکور ایک یہ کہ رات نہ بہت زیادہ گرم اور نہ بہت زیادہ ٹھنڈی ہوتی ہے اور دوسری علامت یہ ہے کہ شب قدر کے بعد صبح کو سورج کے طلوع ہونے کے وقت سورج کی شعاعیں یعنی کرنیں نہیں ہوتی ہیں۔ ”ہم نے اس (قرآن) کو شب قدر میں نازل کیا۔ اور آپ کیا جانیں شب قدر کیا ہے؟ شب قدر ہزار مہینوں سے بہتر ہے۔ فرشتے اور روح اس شب میں اپنے رب کے اذن سے تمام (تعیین شدہ) حکم لے کر نازل ہوتے ہیں۔ یہ رات طلوع فجر تک سلامتی ہی سلامتی ہے“۔ - (القرآن الکریم، سورہ القدر 1 تا 5)

زمرہ جات رمضان افطاری کے کھانے رمضان میں پیدا ہونے والی شخصیات رمضان کے اسلامی شعائر رمضان کے ایام رمضان کے خصوصی ٹیلی ویژن پروگرامز روزہ

منتخب تصویر المعز اسٹریٹ میں ایک سجی ہوئی گلی کی تصویر، اس گلی کو وہاں کے مقامی افراد نے رمضان کی آمد کی خوشی میں سجایا تھا۔

آپ کیا کرسکتے ہیں؟ رمضان المبارک سے متعلق موضوعات پر اردو میں آپ مضامین لکھ سکتے ہیں۔ بالخصوص رمضان کی فضلیت و برکات پر مضامین تحریر کرنے میں مدد کر سکتے ہیں۔ اس کے علاوہ آپ رمضان کے مضمون میں اضافہ کر کے مدد کر سکتے ہیں۔

اقتباس علی بن ابی طالب کا فرمان ہے کہ: ’’بے شک یہ مبارک مہینہ جس کے روزہ کو اللہ نے واجب کیا ہے اور اس کے قیام (رات کی عبادت) کو واجب نہیں کیا، تم تک پہنچ آیا ہے۔ جان لو کہ روزہ، صرف کھانے اور پینے سے (پرہیز) نہیں بلکہ بے فائدہ کام، جھوٹ اور باطل عمل سے (بھی پرہیز) ہے۔‘‘ —

کیا آپ جانتے ہیں؟ رَمَضان المُبارَک قمری سال کا نواں مہینہ ہے جس میں قرآن نازل ہوا۔ پچھلے سال رمضان کا سب سے طویل روزہ آئس لینڈ کا تھا جس کا دورانیہ 22 گھنٹے تھا۔ پچھلے سال رمضان کا سب سے مختصر روزہ امریکی ریاست چلی میں تھا۔ جس کا دورانیہ 11 گھنٹے 30 تھا۔

واقعات 01 رمضان سنہ 654 ہجری کو مسجد نبوی اور اس کے حجرات مقدسہ میں آگ بھڑک اٹھی۔ 01 رمضان، شیخ عبدالقادر جیلانی کی پیدائش 02 رمضان کو موسیٰ علیہ السلام پر توریت نازل ہوئی۔ 03 رمضان کو خاتون جنت فاطمہ زہرا کی وفات۔ 04 رمضان زیاد بن ابیہ کی وفات۔ 10 رمضان، وفات خدیجہ بنت خویلد – محمد کی پہلی زوجہ 12 رمضان کو عیسیٰ علیہ السلام پر انجیل نازل ہوئی۔ 12 رمضان، ابن جوزی کی وفات۔ 14 رمضان، مختار ثقفی کی وفات۔ 14 رمضان، محمد نفس الزکیہ کی پیدائش۔ 15 رمضان، حسن بن علی کی پیدائش۔ 17 رمضان، معراج پیغمبر صلی اللہ علیہ و آلہ وسلم۔ 17 رمضان، وفات عائشہ بنت ابی بکر – محمد کی تیسری زوجہ 17 رمضان۔ غزوہ بدر مسلمان جیت گئے۔ 18 رمضان، داؤد علیہ السلام پر زبور (پالم) نازل ہوئی۔ 19 رمضان کو دشمن نے علی بن ابی طالب پر تلوار سے وار کیا جس کی نتیجے میں وہ شدید زخمی ہوئے۔ 20 رمضان، محمد صلی اللہ علیہ وسلم نے مکہ فتح کیا۔ 21 رمضان کو علی ابن ابی طالب تلوار کی زخموں کی تاب نہ لاسکے اور رحلت کر گئے۔ 27 رمضان، اسلامی جمہوریہ پاکستان کا قیام وجود میں آیا 14 آگست 1947 کو (27 رمضان 1366 اسلامی تقویم میں)۔ ماہ مبارک رمضان سنہ 92 ہجری کو لشکر مسلمین نے طارق بن زیاد کی سرکردگی میں اندلس کو فتح کیا۔

تراویح رمضان کے مہینے میں عشاء کی نماز کے بعد اور وتروں سے پہلے باجماعت ادا کی جاتی ہے۔ یہ ائمہ احناف کے نزدیک بیس اور اہل حدیث (غیر مقلدین) کے مطابق آٹھ رکعت پر مشتمل ہوتی ہے، اور دو دو رکعت کر کے پڑھی جاتی ہے۔ ہر چار رکعت کے بعد تھوڑا وقفہ ہوتا ہے۔ جس میں تسبیح و تحلیل ہوتی ہے اور اسی کی وجہ سے اس کا نام تروایح ہوا۔ حضور صلی اللہ علیہ وسلم نے رمضان شریف میں رات کی عبادت کو بڑی فضیلت دی ہے۔ عمر بن خطاب نے سب سے پہلی تروایح کا باجماعت اور اول رات میں پڑھنے کا حکم دیا اور اُس وقت سے اب تک یہ اسی طرح پڑھی جاتی ہے۔ اس نماز کی امامت بالعموم حافظ قرآن کرتے ہیں اور رمضان کے پورے مہینے میں ایک بار یا زیادہ مرتبہ قرآن شریف پورا ختم کردیا جاتا ہے۔حنفی بیس رکعت پڑھتے ہیں اور اہل حدیث آٹھ رکعت ، تروایح کے بعد وتر بھی باجماعت پڑھے جاتے ہیں۔ اہل تشیع شیعیت کے نزدیک تروایح ایک بدعت ہے جو محمد صلی اللہ علیہ و آلہ وسلم کی وفات کے بعد شروع ہوئی۔

رمضان کے عشرے مشہور روایت ہے کہ ’’رمضان کے تین عشرے ہیں پہلا رحمت کا، دوسرا مغفرت کا اور تیسرا عشرہ دوزخ سے نجات کا ہے‘‘۔ اس روایت کے بارے میں محدثین کے اقوال ہیں: امام عقیلی کے مطابق اس روایت کی کوئی اصلیت نہیں۔ (الکامل3/1157) ابن ابو حاتم کے نزدیک یہ حدیث منکر ہے۔ (العلل لابن ابی حاتم : 1/249) محمد ناصر الدین البانی کے مطابق یہ روایت باطل ہے۔ (سلسلۃ الاحادیث الضعیفہ والموضوعۃ : 871)

دیگر معلوماتی صفحات

متعلقہ ابواب قرآن فقہ اسلامی تاریخ اسلام مذہب محمدﷺ قرآن حدیث فقہ اسلامی تاریخ اسلام مذہب

ویکیمیڈیا منصوبہ جات میں