گیارہویں صدی عیسوی کی اسلامی تاریخ کا خط زمانی

بارہویں صدی عیسوی 1001ء–1100ء تخمیناً 391 ہجری تا 493 ہجری پر محیط ہے۔

1001ء تا 1010ء

• 1001ء: سلطان محمود غزنوی نے پشاور میں ہندو شاہی افواج کو شکست دی۔
• 1003ء: 3 اگست— عباسی خلیفہ الطائع باللہ 71 سال کی عمر میں بغداد میں فوت ہوا۔ اُسے بحیثیت خلیفہ 30 اکتوبر991ء کو معزول کر دیا گیا تھا۔
• 1004ء: سلطان محمود غزنوی نے بھاٹیہ پر قبضہ کر لیا۔
• 1005ء: سلطان محمود غزنوی نے ملتان اور غور پر قبضہ کر لیا۔
• 1008ء: سلطان محمود غزنوی نے راجپوتوں کو شکست دی۔
• 1009ء: نومبر— مشہور صوفی بزرگ سید علی بن عثمان الہجویری پیدا ہوئے۔
• 1010ء: ہسپانیہ میں خلیفہ ھشام المؤيد بالله‎‎‎ دستبردار ہو گیا۔ محمد المہدی باللہ تخت نشیں ہوا۔
• 1010: ماہر طب العین علی ابن عیسیٰ الکحال اِس زمانہ میں بقید حیات تھا۔

1011ء تا 1020ء

• 1013ء: مسلم ماہر طبیب اور ماہر جراحی ابو القاسم الزہراوی اندلس کے شہر مدینہ الزہراء میں 77 سال کی عمر میں وفات پائی۔
• 19 اپریل1013ء: قرطبہ کے دوسرے اُموی خلیفہ ھشام المؤيد بالله کا اِنتقال بمقامقرطبہ ہوا۔ اُس کا بیٹا سلیمان المستعین باللہ قرطبہ کا امیر و خلیفہ بنا۔

1021ء تا 1030ء

• 1023ء: مفکر و فلسفی ابو حیان التوحیدی شیراز میں 100 سال کی عمر میں فوت ہوا۔
• 1029: 20 جنوری— سلجوقی سلطان الپ ارسلان پیدا ہوا۔
• 1030ء: 30 اپریل— سلطان محمود غزنوی نے 58 سال کی عمر میں غزنی میں وفات پائی۔ اِن کی تدفین غزنی میں ہوئی۔

1031ء تا 1040ء

• 1031ء: خلافت قرطبہ کے آخری خلیفہ اندلس ہشام المعتد باللہ کو معزول کر دیا گیا۔ اندلس میں اموی خلافت قرطبہ کا خاتمہ ہو گیا۔
• 1031ء: 29 نومبر— عباسی خلیفہ القادر باللہ فوت ہوئے۔ القائم بامر اللہ چھبیسویں عباسی خلیفہ کی حیثیت سے تخت نشیں ہوا۔
• 1036ء: 13 جون— دولت فاطمہ کے ساتویں حکمران علی الظاہر کا انتقال ہوا۔ مستنصر باللہ تخت نشین ہوا۔
• 1037ء: طغرل بیگ نے خلافت عباسیہ کے دارالحکومت بغداد پر قبضہ کر لیا اور بغداد کو سلجوقی سلطنت کا حصہ بنادیا گیا۔
• 1040ء: 17 جنوری— غزنوی سلطان مسعود غزنوی کا انتقال ہوا۔ محمد غزنوی تخت نشین ہوا۔

1041ء تا 1050ء

• 1041ء: مودود غزنوی نے محمد غزنوی کو تخت سے ہٹا دیا اور خود سلطنت غزنویہ کی حکمرانی سنبھالی۔
• 1042ء: جنوری— بلاد الشام کے فاطمی گورنر اور مبصر شرف المعالی ابوالمنصور انوشتگین قلعہ حلب میں فوت ہو گیا۔

• 1048ء: 9 دسمبر— مسلم مورخ، ماہر فلکیات، جغرافیہ دان، ماہر طبیعیات، ریاضی دان ابو ریحان البیرونی بمقام غزنی سلطنت غزنویہ میں 75 سال کی عمر میں فوت ہوا۔
• 1049ء: 30 اگست— فاطمی سپہ سالار افواج ابوالفضل رفق الخادم حلب میں فوت ہوا۔

1051ء تا 1060ء

• 1053ء: 8 اگست— ملک شاہ سلجوقی اصفہان میں پیدا ہوا۔

1061ء تا 1070ء

• 1063ء: 4 ستمبر— سلجوقی سلطان طغرل بیگ فوت ہوا۔ الپ ارسلان سلجوقی سلطان کی حیثیت سے تخت نشین ہوا۔
• 1063ء: اکتوبر کے بعد — طغرل بیگ کے مدفن یعنی برج طغرل کی تعمیر شروع ہوا۔
• 1067ء: نجم الدین نسفی قرشی شہر میں پیدا ہوئے۔

1071ء تا 1080ء

• 1072ء: 25 ستمبر— مشہور صوفی بزرگ سید علی بن عثمان الہجویری لاہور میں 63 سال کی عمر میں فوت ہوئے۔

• 1072ء: 15 دسمبر— سلجوقی سلطان الپ ارسلان دریائے جیحوں کے قریبی علاقہ میں 43 سال کی عمر میں انتقال کرگیا۔ملک شاہ سلجوقی سلجوقی سلطان بن گیا۔
• 1072ء: مصر میں بدر الجمالی فاطمی وزیر بن گیا۔

• 1075ء: 2 اپریل— عباسی خلیفہالقائم بامر اللہ فوت ہوا۔ المقتدی باللہ ستائیسویں عباسی خلیفہ کی حیثیت سے تخت نشیں ہوا۔
• 1077ء: سلجوقی ترکوں نے ترکی میں سلطنت سلجوقی کی بنیاد رکھی۔
• 1077ء: ترکی شہزادہ اور سلاجقہ روم کا جدِ امجد قتلمش فوت ہوا۔ اُس کا باقاعدہ اختیار حکومت 1060ء میں شروع ہوا تھا۔

1081ء تا 1090ء

• 1081ء: برکیاروق (سلجوقی سلطان) پیدا ہوا۔
• 1082ء: الجیریا دولت مرابطین کا حصہ بن گیا۔
• 1086ء: سلاجقہ روم کا بانی سلطان سلیمان بن قتلمش فوت ہوا۔

1091ء تا 1100ء

• 1092ء: 19 نومبر— ملک شاہ سلجوقی بغداد میں 37 سال کی عمر میں انتقال کرگیا۔ تدفین اصفہان میں کی گئی۔محمود اول سلجوقی سلجوقی سلطان کی حیثیت سے تخت نشین ہوا۔

• 1094ء: فاطمی وزیر بدر الجمالی قاہرہ میں فوت ہوا۔

• 1094ء: 10 جنوری— مستنصر باللہ الفاطمی کا انتقال ہوا۔ ابو القاسم احمد المستعلی باللہ تخت نشین ہوا۔
• 1094ء: 3 فروری— عباسی خلیفہ المقتدی باللہ فوت ہوا۔ المستظہر باللہ اٹھائیسویں عباسی خلیفہ کی حیثیت سے تخت نشیں ہوا۔
• 1094ء: نومبر— محمود اول سلجوقی فوت ہوا۔ برکیاروق سلجوقی سلطان کی حیثیت سے تخت نشین ہو