باب:ایشیاء/جغرافیہ/Intro

دنیا کے نقشے میں ایشیا کو نمایاں کیا گیا ہے

تقابل ایشیاء کے خطے مآخذ یو این:

  شمالی ایشیاء

  وسطی ایشیاء

  جنوب مغربی ایشیاء

  جنوبی ایشیاء

  مشرقی ایشیاء

  جنوب مشرقی ایشیا

ایشیا دنیا کا سب سے بڑا بر اعظم ہے۔ جہاں دنیا کا سب سے اونچا، سب سے نیچا اور سب سے سرد ترین مقام پایا جاتا ہے (ماؤنٹ ایورسٹ دنیا کی بلند ترین چوٹی، مغرب کی جانب بحیرہ مردار سطح سمندر سے سب سے نچلا مقام اور شمالی سائبیریا کے مقامات)۔ ایشیا میں کسی بھی براعظم سے زیادہ افراد رہائش پزیر ہیں جن میں سے ایک اعشاریہ دو ارب آبادی چین اور 94 کروڑ بھارت میں آباد ہے۔
براعظم کا شمالی حصہ قدیم پہاڑوں اور سطح ہائے مرتفع پر مشتمل ہے جبکہ وسطی علاقہ کوہ ہمالیہ اور سطح مرتفع تبت نے گھیرا ہوا ہے۔ ہمالیہ دنیا کے دیگر پہاڑی سلسلوں کی نسبت زیادہ قدیم نہیں اور اب بھی یہ اونچائی کی جانب رواں ہے۔ یہ سلسلہ تب تشکیل پایا جب برصغیر ایشیا سے ٹکرایا۔

جنوبی ایشیا

جنوبی ایشیا براعظم ایشیا کے جنوبی علاقوں کو کہا جاتا ہے جو برصغیر پاک و ہند اور ان سے ملحقہ علاقوں پر مشتمل ہے۔ یہ علاقہ (مغرب سے مشرق کی جانب) مغربی ایشیا، وسط ایشیا، مشرقی ایشیا اور جنوب مشرقی ایشیا کے درمیان واقع ہے۔
جنوبی ایشیا ان ممالک پر مشتمل ہے جو علاقائی نتظیم سارک کے رکن بھی ہیں، جن میں  افغانستان،  بنگلہ دیش،  بھارت،  بھوٹان، پاکستان،  سری لنکا،  مالدیپ اور  نیپال شامل ہیں۔ ان کے علاوہ بحر ہند کے برطانوی مقبوضات بھی جنوبی ایشیا میں شمار کیے جاتے ہیں۔ اقوام متحدہ  ایران کو بھی جنوبی ایشیا کا حصہ قرار دیتی ہے اقوام متحدہ کی ویب سائٹ جبکہ عام طور پر وہ مشرق وسطٰی کا حصہ سمجھا جاتا ہے۔

برصغیر

برصغیر براعظم ایشیا میں ایک بڑا جزیرہ نما خطہ ہے جو بحر ہند کے شمال میں ہے۔ اس خطے کو برصغیر اس لیے کہا جاتا ہے کہ یہ جغرافیائی اور علم ارضیات کے مطابق یہ براعظم کے دیگر علاقوں سے مختلف ہے۔

جنوب مشرقی ایشیا

جنوب مشرقی ایشیا یا شرق الہند براعظم ایشیا کا ایک خطہ ہے جو ان ممالک پر مشتمل ہے جو جغرافیائی طور پر چین کے جنوب، بھارت کے مشرق اور آسٹریلیا کے شمال میں واقع ہیں۔ یہ علاقہ مختلف پرتوں کے درمیان واقع ہے اس لیے زلزلے اور آتش فشانوں کے پھٹنے کے واقعات رونما ہوتے رہتے ہیں۔
جنوب مشرقی ایشیا دراصل دو جغرافیائی خطوں پر مشتمل ہے جن میں برعظيم ایشیا پر واقع علاقہ اور مشرق اور جنوب مشرق کی جانب جزائر اور مجمع الجزائر شامل ہیں۔ برعظیم ایشیا کا حصہ کمبوڈیا، لاؤس، میانمار، تھائی لینڈ اور ویت نام پر مشتمل ہے۔ دوسرا علاقہ برونائی، مشرقی تیمور، انڈونیشیا، ملائیشیا، فلپائن اور سنگا پور پر مشتمل ہے۔

مشرقی ایشیا

مشرقی ایشیا یا مشرق بعید جغرافیائی و ثقافتی لحاظ سے براعظم ایشیا کا ایک ذیلی خطہ ہے۔ جغرافیائی طور پر یہ علاقہ 12،000،000 مربع کلومیٹر پر پھیلا ہوا ہے یعنی یہ براعظم کے کل رقبے کا 28 فیصد ہے اور براعظم یورپ سے 15 فیصد بڑا ہے۔ یہاں کی آبادی 1.5 ارب ہے جو ایشیا کی کل آبادی کا 40 فیصد اور دنیا کی آبادی کا ایک چوتھائی بنتی ہے۔ یہ یورپ کی کل آبادی کا دو گنا ہے۔ یہ دنیا کے گنجان آباد ترین علاقوں میں سے ایک ہے۔ مشرقی ایشیا میں آبادی کی کثافت 130 افراد فی مربع کلو میٹر ہے جو دنیا بھر کے اوسط سے 3 گنا زیادہ ہے۔
اس خطے میں وہ علاقے شامل ہیں جن پر چینی ثقافت کی گہری چھاپ ہے۔ جن میں کلاسیکی چینی زبان کے اثرات، کنفیوشس ازم اور نیو-کنفیوشس ازم، بدھ ازم اور تاؤ ازم شامل ہیں۔
مشرقی ایشیا ایک جدید اصطلاح ہے جو روایتی یورپی نام مشرق بعید کی متبادل ہے۔

شمالی ایشیا

شمالی ایشیا براعظم ایشیا کا ایک ذیلی خطہ ہے۔ جس کی سب سے عام تعریف یہ ہے۔ "روس کے ایشیائی حصے خصوصاً ایشیائی سائبیریا لیکن چند تعریفوں کے مطابق پورا سائبیریا شمالی ایشیا کا حصہ نہیں۔ "

مشرق وسطی

مشرق وسطیٰ افریقہ۔یوریشیا کا ایک تاریخی و ثقافتی خطہ ہے جس کی کوئی واضح تعریف نہیں ہے۔ اس خطے میں جنوب مغربی ایشیا اور شمالی افریقہ کے ممالک شامل ہیں۔
مغربی دنیا میں مشرق وسطی کو عام طور پر عرب اکثریتی ممالک سمجھا جاتا ہے حالانکہ یہ علاقے کی تمام ریاستوں کی تعریف پر پورا نہیں اترتا۔ علاقے کی نسلی برادریوں میں افریقی، عرب، آرمینیائی، آذری، بربر، یونانی، یہودی، کرد، فارسی، تاجک، ترک اور ترکمان شامل ہیں۔ خطے کی سب سے زیادہ بولی جانے والی زبان بلاشبہ عربی ہے جبکہ دیگر زبانوں میں آرمینیائی، آذری، بربر زبانیں، عبرانی، کرد، فارسی، ترک، یونانی اور اردو شامل ہیں۔

وسطی ایشیا

وسط ایشیا براعظم ایشیا کا ایک وسیع علاقہ ہے جس کی سرحدیں کسی سمندر سے نہیں لگتیں۔ وسط ایشیا کی تین طرح کی تعریفیں کی گئی ہیں پہلی سوویت روس نے تشکیل دی جبکہ دیگر عام جدید تعریف اور اقوام متحدہ کے ادارے یونیسکو کی کی گئی تعریف ہے۔
روسی تعریف کے مطابق اس خطے میں ازبکستان، ترکمانستان، تاجکستان اور کرغزستان شامل ہیں اور قازقستان نہیں جبکہ عمومی جدید تعریف میں قازقستان بھی شامل ہے۔
اقوام متحدہ کے ادارے یونیسکو کی تعریف کے مطابق اس میں منگولیا، مغربی چین بشمول تبت، جنوب مشرقی ایران، افغانستان، مغربی پاکستان وسط مشرق روس، ازبکستان، ترکمانستان، تاجکستان، کرغزستان، قازقستان کے ساتھ ساتھ شمالی پاکستان اور بھارتی پنجاب بھی شامل ہیں۔
یہ علاقہ تاریخ عالم میں اہم حیثیت رکھتا ہے۔

ایشیا کے خطے

ملک کا نام مع پرچم	رقبہ (مربع کلومیٹر)	آبادی بمطابق یکم جولائی 2002ء	آبادی کثافت فی مربع کلومیٹر	دار الحکومت
وسط ایشیا:
قازقستان	2,346,927	13,472,593	5.7	استانا
کرغزستان	198,500	4,822,166	24.3	بشکک
تاجکستان	143,100	6,719,567	47.0	دوشنبے
ترکمانستان	488,100	4,688,963	9.6	اشک آباد
ازبکستان	447,400	25,563,441	57.1	تاشقند
مشرقی ایشیاء:
عوامی جمہوریہ چین	9,584,492	1,384,303,705	134.0	بیجنگ
ہانگ کانگ	1,092	7,303,334	6,688.0	چین کے زير انتظام	—
جاپان	377,835	126,974,628	336.1	ٹوکیو
مکاؤ	25	461,833	18,473.3	چین کے زير انتظام	—
منگولیا	1,565,000	2,694,432	1.7	یولان باتار
شمالی کوریا	120,540	22,224,195	184.4	پیانگ یانگ
جنوبی کوریا	98,480	48,324,000	490.7	سیول
تائیوان	35,980	22,548,009	626.7	تائی پے
شمالی ایشیاء:
روس	13,115,200	39,129,729	3.0	ماسکو
جنوب مشرقی ایشیا:
برونائی	5,770	350,898	60.8	بندری سری بیگوان
کمبوڈیا	181,040	12,775,324	70.6	نوم پنہہ
انڈونیشیا	1,419,588	227,026,560	159.9	جکارتہ
لاؤس	236,800	5,777,180	24.4	وینتیان
ملائیشیا	329,750	22,662,365	68.7	کوالالمپور
میانمار یا برما	678,500	42,238,224	62.3	نیپیداو
فلپائن	300,000	84,525,639	281.8	منیلا
سنگاپور	693	4,452,732	6,425.3	سنگاپور
تھائی لینڈ	514,000	62,354,402	121.3	بینکاک
مشرقی تیمور	15,007	952,618	63.5	ڈلی
ویت نام	329,560	81,098,416	246.1	ہنوئی
جنوبی ایشیاء:
افغانستان	647,500	27,755,775	42.9	کابل
بنگلہ دیش	144,000	133,376,684	926.2	ڈھاکہ
بھوٹان	47,000	2,094,176	44.6	تھمپو
بھارت	3,287,590	1,045,845,226	318.2	نئی دہلی
مالدیپ	300	320,165	1,067.2	مالے
نیپال	140,800	25,873,917	183.8	کھٹمنڈو
پاکستان	803,940	147,663,429	183.7	اسلام آباد
سری لنکا	65,610	19,576,783	298.4	کولمبو
مغربی ایشیاء:
آرمینیا	29,800	3,330,099	111.7	یریوان
آذربا‏ئیجان	41,370	3,479,127	84.1	باکو
بحرین	665	656,397	987.1	منامہ
قبرص	9,250	775,927	83.9	نکوسیا
غزہ	363	1,203,591	3,315.7	غزہ
جارجیا	20,460	2,032,004	99.3	طفلس
ایران	1,648,000	68,467,413	42	تہران
عراق	437,072	24,001,816	54.9	بغداد
اسرائیل	20,770	6,029,529	290.3	یروشلم
اردن	92,300	5,307,470	57.5	عمان
کویت	17,820	2,111,561	118.5	کویت شہر
لبنان	10,400	3,677,780	353.6	بیروت
اومان	212,460	2,713,462	12.8	مسقط
قطر	11,437	793,341	69.4	دوحہ
سعودی عرب	1,960,582	23,513,330	12.0	ریاض
شام	185,180	17,155,814	92.6	دمشق
ترکی	756,768	57,855,068	76.5	انقرہ
متحدہ عرب امارات	82,880	2,445,989	29.5	ابو ظہبی
مغربی کنارہ	5,860	2,303,660	393.1	—
یمن	527,970	18,701,257	35.4	صنعاء
کل	43,810,582	3,902,404,193	86.8