ابوالحسن علی (ویکی پر) ابوالحسن راجپوت (صحافی/قلمکار)ترميم

ابوالحسن علی (پیدائش:07 جولائی 1967ء فیصل آباد) ایک صحافی جن کا 1984ء سے لکھنے کا سفر جاری ہے ، مختلف قومی اخبارات میں بچوں کے صفحات میں کہانیاں اور مراسلات تحریر کرنے سے صحافت کا آغازکیا۔ روزنامہ ''عوام'' فیصل آباد سے سپورٹس رپورٹنگ کاآغازکیا پھر 1984ء میں روزنامہ ''امروز''کے ہفت روزہ ایڈیشن کھیل اورکھلاڑی میں سینکڑوں مضامین سپرد قلم کیے۔بعد میں1991ء سے1997ء تک روزنامہ نوائے وقت لاہور کے فیملی میگزین میں سپورٹس اورشوبزکے موضوع پرفری لانس اپنے جوہر دکھائے'معروف کرکٹ کمینٹیٹر حسن جلیل کے ماہانہ میگزین کرکٹ ٹائمز عامر محمود کی زیرادارت ماہانہ کرکٹ ورلڈ کے ساتھ بھی وابستگی رہی 1999ء لاہور سے ماہنامہ ''کنٹری وائس'' کے نام سے ایک رنگین باتصویر جریدہ شروع کیا۔بعد ازاں آنے والے سالوں میں ماہنامہ ''لیڈی رپورٹ'' پنجابی ماہنامہ ''متر'' اورماہنامہ ''پنجاب انڈیپنڈنٹ'' کے جرائد کوبطورمدیر اشاعت پذیرکیا۔اس کے ساتھ ساتھ واٹرسیکٹر ایشوزپرپاکستان کے واحد پندرہ روزہ اخبار ''کینال نیوزبلیٹن'' اورتعمیراتی سرگرمیوں کے حوالے سے پندرہ روزہ اخبار ''ورکس ٹائمز'' کی اشاعت ممکن بنائی۔علاوہ ازیں ماہنامہ ''وفاق ٹائمزانٹرنیشنل'' لاہور کے مدیر کے طور پر پانچ سال ذمہ داریاں نبھائیں۔ اس وقت مختلف ویب سائٹس پر بشمول ایکس کلب فری لانس کنٹری بیوٹر کے طور پر اپنی صحافتی سرگرمیوں کوجاری رکھے ہوئے ہیں۔ اردو ویکیپیڈیا پر تین سال سے موجود ہیں۔

ویکیپیڈیا اردو کے ساتھ وابستگی کامقصدترميم

ویکیپیڈیا اردو کے ساتھ وابستہ ہونے کا مقصد پاکستان کرکٹ پر زیادہ سے زیادہ مواد تخلیق کرنا ہے کیونکہ انگریزی زبان میں یہاں کرکٹ سمیت کافی مواد موجود ہے تاہم اس بارے میں سب ساتھیوں کو کوشش کرنی چاہیئے کہ ہمارے قومی ہیروز کا تعارف یہاں قومی زبان میں موجود ہو تاکہ آج کی نوجوان نسل یا کم پڑھے لوگ بھی ان معلومات سے استفادہ کر سکیں اس سلسلے میں مجھے ساتھیوں کی مدد درکار ہے

آسٹریلیا،نیوزی لینڈ، بھارت،بنگلہ دیش،ویسٹ انڈیز،آئرلینڈ کے کرکٹرز کے صفحات مکملترميم

اَلْحَمْدُلِلّٰه آسٹریلیا،نیوزی لینڈ، بھارت،بنگلہ دیش، ویسٹ انڈیز،آئر لینڈ کے ٹیسٹ ،ون ڈے اور ٹی ٹوئنٹی مرد اور خواتین کرکٹرز کے صفحات مکمل ہو گئے ہیں۔ اس کے علاوہ درجنوں دیگر کرکٹ فہرستوں پر کام کیا ہے۔